Sagaing ramțhen Kani peng ဘုမ္မဇင်းအရှေ့ khua kiangah November 24 zaanlam ah ralkap le tualsung hriamkai pawl an kap aw tiah tualsungmi pawl hnenin theih a si.
KLG PDF le tualsung hriamkai komkhawm pawl cu ralkap thawn an kap aw ih ralkap 2 an thi, hriamhma ngahtu khal an tam zet thu, thuhla cipciar thei dingin zinzoi rero lai a si thu KLG PDF ih thusimtu pakhat in a sim.
Kani peng sungah hin November 23 khalah ralkap Long cu tualsung hriamkai pawlin an kah ruangah ralkap 40 lenglo hriamhma an ngah ih Minkin peng Taungphyu khua ihsin Monywa ah helicopter 2 thawn an thiar tiah mit hmutu tualsungmi pawlih simnak vekin theih a si.
