KA le KNDF ṭangkawp in ralkap 13 an kap that ih mi 20 hnakih tam in hriam an tuar
Kareni Army (KA) le Karenni National Defense Force (KNDF) pawl ṭangkawp cun mizansun, August 3 ah khan Karenni ramkulh ဘော်လခဲ peng ဖရူဆို peng le ဖယ်ခုံ peng tipawl ah Ralkap sualral pawl an do ih nasa zetin kahawknak a suak. Kawl ralkap lam ihsin mi 13 rori an thi ih mi 20 hnakih tam in hriamhma an ngah. Cuitlun ah Ralkap mawṭawpi 3 khal lak tlak um nawnlo khawpin an kah parh sak thluh thu KNDF cun mizan ah khan thusuah an tuah.
Kawl ralkap pawl hi mipum tam zet mawṭawpi thawn KA le KNDF ṭanhmun khuarnak lam ah an ra lut ih ဖရူဆို peng ထားလဲ khua le မာခရောရှေ့ khua an thlen fangah KA le KNDF cun ralkap mawṭawpi pawl cu Bomb in an rak kah ciamco. Mizansun ni khat lawngah doawknak ṭum 4 lai rori a um ih Kawl ralkap lam ihsin mi 11 an thi ih mi 20 hnakih tam in hriamhma an tuar tiah theih a si.
Mizansun August 3 zinglam ah khan ralkap mipum tam nawn pawl cu motor 10 hrawng thawn an ra tiah khawsungmi pakhat in a sim. “Zinglam nazi 11:00 kim hlan deuhte ihsin an kap aw, mizansun nikhat lawngah khan ralkap le Kareni Army karlak ah doawknak vawi li a um, atu khal ကျွန်းပင်ကုန်း ah an kap aw rero lai, tiin khawsungmi cun a sim.
Cun ဖယ်ခုံ peng Senpi in (Town hall) ih ṭanhmun khuartu ralkap pawl cu KA le KNDF miralṭha rualpawl in bomb an va puah ciamco ih Ralkap pahnih an thi bet tiah theih a si.
Ralkap pawl cu ဘောလခဲ peng နန်းဖဲ khua ih mipi pawl cu an thawi an hrem ih an thilri pawl khal an long. Ralkap council cun Kareni ramkulh sungih Loikaw peng, ဒီမောဆို peng, ဖရူဆို peng, ဘောလခဲ peng, ဖားဆောင်း peng pawl ah ralkap thazang nasazet in an bet rero tiah theih a si. Kareni Army le Kareni National Defense Force cun Kareni ramkulh sungih doawk thoktu ralkap pawl kan do peh vivo ding ruangah mipi lam ihsin Humhimnak lam ralring cia dingin KNDF in Information department cun mipi theihternak an nei cih.
Karenni ramkulh buainak a natsat zia kha cu kan thei thluh cio ko ding, KNDF le KA siseh KNPP pawl siseh an ṭangkawp ih an ram le miphun humhimnak ah nasa zetin ral an do rualrual in tualsung mipi thawngza tel harsatnak nasa zet an tuar. Kan dunglai Karenni ramkulh ih Ralkap le KNDF doawknak ah Ralkap lam ihsin mi 200 hnakih tam an thi tiah theih a si. – Chin Net youtube ih tisuah zomi Ca ih siar duh hrang kan post sawngmi a si.
– Chin Net