Rapper leh Fashion Industry a challang tak Kanye West (Ye) chuan tunhnai a a thianpa Justin Bieber nupui Hailey Bieber a beihlet vak vangin Ye lakah Justin Bieber a lawm lo hle tih hriat a ni.
Kanye West hi Paris Fashion Week a a thuamhnaw phochhuak chungchang ah diriam leh sawisel a hlawh nasa a, a thuamhnaw a ‘White Live Matter’ a ziah chu Internet ah chuk rawn a hlawh.
Vogue editor Gabriella Karefa-Johnson chu Kanye West design sawisel sak hmasa tu a ni a, Ye hian thinrim tak in amah sawiseltu Vogue Editor hi chilh zuiin Fashion lama hriatna engmah a neih tak tak loh thu a hrilh.
Vogue editor Gabriella Karefa-Johnson a sawisel hnu hian milar dang Gigi Hadid ten Gabriella thlavang an hauhsak a, Hailey Bieber pawh in Ye hming sawilang chiah lo in Vogue Editor a tanna thu a post ve a ni.
Hei hi Ye a’n alo hmuh in Justin Bieber hnen ah a nupui chu a thinrim tak tak hma in veng tha turin a chah a, Hailey chu a hnar a siam that tir thu chenin a sawi bawk.
Justin leh Kanye West te hi hun rei tak atang tawh thian tha an ni a, Justin pawh in a theihna ah chuan a thlavang hauhsak in a thlawp zia auchhuah pui a hreh ngai lo. Mahse hetia a nupui Hailey chungchang tawngkam na tak a phuhchhuak hian Justin a tithinrim hle a, an inthianthatna pawh chhut chah a duh ta a ni tiin thulakna rintlak tak chuan a sawi.
Source rintlak in TMZ a hrilh danin Hailey hian Ye chungchang a sawi lo a, Gabriella chu a thiantha a nihna laiah a thlawp zia a tarlang mai a ni. Kanye hian a huangchin a pel a, Justin te nupa in atana thil an tihsak zawng zawng pawh engmah lo ah a chantir an ti.
Hailey Bieber hian Kanye West-an a hnar siam rem tir anga a sawi chu thudik a nih loh thu a sawi bawk a ni.
