Pop Star, Justin Bieber chuan a natna chungchang a fans te hnen a hriattirna a neih hnu in vantlang hmuh ah a rawn inlan ve leh ta a, pawn lam atanga a landan in Justin Bieber hi a hriselna dinhmun pawh a tha chho ve zel tih a hriat theih.
Nilaini khan Justin Bieber leh a nupui Hailey Bieber te chu Beverly Hills ah inkhawm turin biak in lam an pan dun a, kut inkai riai chunga an lut lam hi thlalatu ten an lo la fuh leh chat mai.
Biak in lam an panna ah hian Hailey hian denim shorts leh white crop top ha in a chungah oversized leather jacket a inbel bawk a, Adidas sneakers bun in Model a nih zia hai theih rual a nilo.
Thla hmasa mai khan Justin hian Ramsay Hunt syndrome vangin a hmai pang khing a zeng tih a puang a, a fans te pawh a barakhaih hle. A natna vang hian Tour a neih lai mek Justice World Tour pawh chhunzawm thei lovin a cancel phah hial ani.
Medical lam in an sawi dan chuan Justin-a natna vei hian reilo te chhung hunawh thin a ni a mahse tha taka enkawl a nih loh chuan a awm hlen theih thu leh ri hriatna thlenga nghawng tha lo zawk a neih theih thu an sawi bawk.
Justin chuan he a natna vei hian a rinna kawng ah nasa takin a pui a,a rinna chu amah tanpui tlat tu a nih thu a sawi. Pathian chuan a mangan lai leh harsatna a tawh mek lai pawh in a thlahthlam lo a, hmangaih takin a kuangkuah a ni a ti. Hei hian thlamuanna thuk tak a pe tih a sawi ani.
