Bollywood star Salman Khan chu April 5 a inlan turin Andheri magistrate court in kohna a tichhuak a, 2019 liam ta ah journalist pakhat Ashok Pandey chuan Salman Khan hian kutthlak in mawi lo taka a chunga a chet thu in thubuai a thlen.
Court hian IPC sections 504 leh 506 (criminal intimidation) hmang a thubuai siam in Salman Khan leh a bodyguard Nawaz Shaikh hi Court ah inlan tura koh an nih thu Bollywood media te chuan an puang.
Ashok Pandey hian 2019 khan thubuai hi a thlen a. Salman Khan hi Mumbai khawpuiah bicycle hmanga a inkhalhchhuak lai chu video hmanga alo record vang in Salman Khan hi a lungawi lo hle a, a lakah mawilo takin a chet zui thu a sawi. Video leh thlalak hi a bodyguard remtihna thlap a ni a ti a, mahse Salman Khan hi a thinrim hle ani tiin a sawi.
Pandey hian thubuai a thehluh ah chuan Salman Khan hian a bodyguard te chu an chuanna Car lam pan ah a tir a, amah pawn a zui tel ve nghe nghe. A mobile phone laksak a nih bakah vaukhanna hial a dawng tih a ziak tel bawk.
Local police authorities te hnen ah thubuai hi thlen mahse an lo ngaih thutak sak loh vangin loh theih loh in Andheri Magistrate Court ah a thlen a ngaih phah ani. Hrileng mek vangin Court Hearing neih hun tur hi rei tak chhung tih khawtlai a ngaih phah bawk.
Salman Khan hian tun chauh nilo thubuai hrang hrang alo nei ve nel nual tawh a, blackbuck case vang pawn buaina alo tawk tawh ani.
