‘Black Mass’ star hi a nupui hlui nen intihhmingchhiat thubuai in Court ah an inkhing zak zak a, an boruak a zawh fel hnu hunrei ala rial lo tih in hmeichhe dang nen inhaw lo taka an awm dun lai hmuh fuh an ni ta tlat mai.
Pathianni khan Johnny Depp hi Arena Santa Giuliana ah rehearsal a nei a, hetah hian a kiang ah tu tih la hriatchian theih loh hmeichhe sam sen chuan a zui tel ve ani. He hmeichhia hi a landan atang mai pawh in Depp nen hian an inpawh hnai hle tih a hriat theih.
Report in a tarlan dan chuan Depp hi hma lawk hian Italy a Umbria Jazz Festival ah Perform tur a sawm a ni a, amah bakah guitarist Jeff Beck nen Festival ah hian hun hmang tur an ni.
Perugia a Brufani hotel a kir hma in enchhinna hi a nei. Depp awmna hotel ah vek hian a bula hmeichhia pawh hi khawsa ve ang in an sawi bawk. Fans tam tak te chuan an pahnih hian an inngaihzawn an ring nghet bur a, zawhna hrang hrang a awm leh phah nual a ni.
A nupui hlui Amber Heard nen Court a inkhinna an neih a hnehna a chan hnu hian Depp hi a eizawnna pangngai lemchan aiin Music lam ah a insawrbing nasa zawk a tih theih a, Jeff Beck nen inkawp chawt in Album an siam dun bawk.
