Chawlhkar 6 zet Court a inkhinna an neih hnu in thiam chang zawk puanchhuah ani ta a, a nupui hlui laka in tih hmingchhiat tum na hmang a thubuai a thlen ah Johnny Depp chu thiam a chang.
Jury 7 ten thutlukna an siam ah an ngaihdan pawh a in ang tlang hle. Court in Amber chu dik lo taka a pasal puh hmingchhe tu tiin $15 Million lai a tam Depp hnen ah pe turin a hriat tir. 2018 article ah Amber Heard hian Johnny Depp lak atanga kut tuar thin ang in a insawi a, Johnny Depp hi lungawi lovin Amber hi a khing let a, a career tihchhiatsak tu leh amah vangin a sum hmuh tur tam tak hloh ah a puh ani.
Amber Heard in a khin let ve na pakhat zawk ah erawh Johnny Depp hian Amber hnen ah $2million pe ve tura tih a ni bawk a. Roreltu in thutlukna a puanchhuah na ah Amber Heard hi a hmun ngei ah kalin Court ah a inlan. Johnny Depp erawh a hna lam vangin United Kingdom ah awm mek in TV lam atangin Court thutlukna siam alo thlir thung.
Court thutlukna tihchhuah rualin Amber Heard hian Court in a pasal dik lo taka ti hmingchhe tu a thiam loh a chantir na ah a lunghnur zia thuchhuah a siam nghal. Johnny Depp ve thung chuan Court in thutlukna a siam ah a lawmthu sawiin mit khap kar lek ah a nun chu thlak danglam in a awm a, Jury ten a nun an pek kir sak leh thu hlim takin a sawi.
Amber in a pasal Johnny Depp laka a sum chawi tur hi ngaihtuah tham tak a ni a, a hausakna hi $8 Million vel bawr ang a chhutsak ani. Depp hnen atanga a dawn ve tur $2 Million hian a sum chawi tur a phuhruk zo dawn lo nasa hle. Tin, hei bakah inkhinna a a chak loh a vang hian a career thleng a nghawng phah thei bawk ani.
