‘Pirates Of The Caribbean’ actor Johnny Depp chu a nupui hlui Amber Heard nen intihhmingchhiat thubuai a a aiawh a ding lawyer zinga mi nen an inkawp tih hriat a ni.
Johnny Depp kawppui tur ah hian tam zawk in Camille Vasquez anih an ring fur a, mahsela report in a tarlan dan in Johnny Depp an a date hi attorney pakhat zawk Joelle Rich a ni an ti.
Joelle Rich hi a thubuai hmasa zawk UK trial ah Depp aiawh hian a lo inlan tawh. Mahsela, UK a an inkhinna ah erawh Joelle Rich hian Johnny Depp hi hnehna a chanpui zo lova, amaherawh chu Depp hian a chaklohna ah khan Joelle Rich lakah hian a vui phah lo.
Tunah hian Joelle Rich hi pasal nei lai mek niin amaherawh chu a pasal nen hian an inthenna buaipui mek a ni a, an la tifel chiah lo. A pasal hmasa lakah hian fa 2 a nei tawh bawk.
Thuthar lakhawm tu te chuan Virginia trial neih zawh takah pawh khan Joelle hi lawyer team zingah tel ve kher lo mahse Depp thlawp a tawiawm tur hrim hrim in Court ah a inlan tih an sawi.
Johnny Depp hi a tirah a lawyer Camille nen inhnaih taka hmuh dun an nih fo vangin an trial piah lamah an inkarah hian thil thleng awm ang a rinna a lian hman hle a,Camille Vasquez erawh pha nghal vatin Depp chu a thian tha tak leh kum 4 leh a chanve lai a client a nih tawh thu a sawi a, chu bak inzawmna thuk zawk engmah an neih loh thu a sawi a ni.
