Taylor Swift chuan 2012 lama album ‘Red’ a tihchhuah tawh chu re-recorded tha leh in, heta hla ‘All Too Well’ a release a. 10 minute zeta thui a a tihchhuah atang in ngaihven a hlawh tawh a. He hla hi Taylor Swift tan pawh a hla zingah hmun pawimawh tak a chang tih hairual a nilo.
“All Too Well,” hi Taylor Swift hian a bialpa hlui Actor,Jake Gyllenhaal tan a phuah niin fans tam zawk chuan an ngai a, Taylor Swift erawh in he hla a phuahchhhan dik tak hi a hming hmer takin a sawichhuak hran lo. Mahsela a hla thu zawng zawng chuan Gyllenhaal lam a hawi vek si.
‘All Too Well’ (Taylor’s Version) tihchhuah a nih atanga thla 3 lai a liam tih in Esquire hnen ah Jake Gyllenhaal chuan ‘All Too Well’ hla chu a sawi ve ta. Sawiselna a dawn zawng zawng pawh a hmu a, a tan eng ual a nih loh thu leh a nghawng loh thu a sawi a, a fans te nen an inzawmna chungchang ni tawh zawk niin a hrilh.
Jake Gyllenhaal chuan Taylor Swift in a mimal thiltawn personal experiences chungchang Music hmanga a puanchhuah ah itsikna a neilo a, chutih rual erawh in artist ten fans ah mawhphuhna sang tak an nei a, hawihhawm zawk a awm tir tur leh midang beihchiam tur tihna a nilo a ti bawk.
‘All Too Well’ a chhuah rual khan Swift fans ten Gyllenhaal hi nasa takin an zarbuai a, Twitter a entertainment topic ah number 5 hauh pha in 89K chuang mentions a ni bawk. Heng te vang hian a Instagram comment pawh a off phah. Taylor album a ngaithla ngai em tih zawhna a dawn chu “aih” tiin chhanna a pe.
Jake leh Taylor te hi 2010 ah an in date a, thla 3 zen zawn an inkawp hnu ah an inthen. An inthen atanga kum 2 hnu ah Taylor Swift hian ‘Red’ album in headline a siam nghal a, ‘All Too Well’ leh ‘We Are Never Ever Getting Back Together’ te chu a rawn lansarhpui hle.
Gyllenhaal hian tunah chuan nun nuam zawk a nei tawh tih a hrilhin heng thu sawi rik te avang hian intihbuai tir a tum lo. Tunah hian model Jeanne Cadieu nen an inkawp mek a, Taylor Swif pawh actor Joe Alwyn nen nghet takin an inzui ve mek bawk.
Taylor in a album Red (Taylor’s Version) a tihchhuah thar leh chhan hi a music te nei let leh tura a beih vang ani. A label hlui Big Machine Record a album 6 a tihchhuah te chu talent manager Scooter Braun in a thunun sak vek a, a music te neih let leh tumin a re-record a ngaih phah.
2018 ah label thar a zawm a, Universal Music nen inremna an ziak. Deal an siam ah Taylor hnenah hian a master recordings te chu a thuhnuai ah dah phalna an pe tih an sawi. Universal Music hnuai ah Lover, Folklore leh Evermore album te a release tawh.
