Social Media a hmelhriat nazawng rin ngawt hi alo fuh ber lo. Valerie Rosario tia a hming tarlan chuan Instagram lama a date mipa chu a chenna in ah kal tura thiam taka a thlem hnuin a kidnap zui tih hriat a ni.
Kum 22 a upa Valerie Rosario hi Manhattan’s criminal court ah inlan in tualthah tum leh kidnap hmang ten thubuai siam sak ani. New York Police Department te tarlan danin Valerie Rosario hian a chenna Bronx apartment ah a kawppui hi kal turin a thlem thlu a, mipa hi a chenna in a thlen ve leh a thurualpui dang 2 te nen an lo chang ani.
Tuartu mipa hi a hming tarlan a nilo a. Ms Rosario leh a thurualpui te hian darkar eng emaw zat nghaisa hmasa in a ka chu an tuam sak tlat a. Bathtub ah awmtirin tuialh thei hmangin an leih. A ke leh a taksa hmun thenkhat ah chemte in an hliam bawk.
Hetianga an sawisak hnu hian a chhungte hnen ah nungdam a an hmuh leh theih na turin tlanchhuahna sum atan $100,000 zet an lo phut a, a nih loh chuan thah ah an vau. A unaupa chu video call hmang call in an hriattir ani.
Police ten Queens a van chhungah mipa hi an va chhanchhuak a, hetah hian Ms Rosario thurualpui kum 24 mi Javier Vargas chu an man tel. Police ten nghaisak tawktu mipa hi damdawiin ah enkawl tura hruaiin a dinhmun pawh a tha tawh tih The Independent te an hrilh.
The Post in a report danin he an nghaisak pa an target chhan pawh sum vang ber a ni a, a Instagram ah a sum leh pai neih chungchang vel alo tarlan thin vang anih thu an sawi.
