Mihring hi thil hlauhzawng tak tak ah chuan taksa hian nasa takin a tuar phah thin a, hlauh lutuk na in min man tawh chin ah chuan nikhawhrelo hial in a awm theih.
International Film Festival of Kerala chu December 9, 2022 ah tan a ni a, Festival hian tun thla ni 16 thleng hi awh tur a ni. He hun ah hian Film hrang hrang chhuah a ni a, chung zingah chuan Indonesian horror film an sawi lar zet ‘Satan’s Slaves: Communion’ pawh Thawhtanni ah chhuah a ni.
Screening na ah hian mi eng emaw zat an kal khawm a, Festival a tel ve rawlthar pakhat chu Indonesia horror movie chhuah an en na ah hian nikhawhrelo a tlu in damdawiin panpui ngai hialin a awm phah thu an sawi.
Onmanorama in a tarlan danin he rawlthar hi an film en hian amah ah nasa takin nghawng a nei zui a, nikhawhrelo in a awm phah an ti a, Screening neihna bul damdawiin ah rang taka admit nghal a ni bawk.
‘Satan’s Slaves’ hi Joko Anwar direct a ni a, chhungkaw pakhat in nu pakhat boral tawhna hmun an luah luh chungchang vel a ni. Film festival hrang hrang ah premiere alo ni tawh a, Indonesian horror film chhuak zinga chhuan ve tak a ni bawk.
He International Film Festival of Kerala hi kum in ah Thiruvananthapuram ah nghah niin Kerala State Chalachitra Academy te bul tum a event hi neih a ni.
