India ram hmun hrang hrang ah chuan a ni tel in khawlum in zual lam a pan chho zel a. Mithiam te tarlan dan in State thenkhat ah chuan temperature hian 40 degrees celsius te a pel tih an sawi.
Weather department lam chuan state hrang hrang ah khawlum hian zual lam a la panchho dawn tih an puang a, zirna in khar hial ngai khawp a ni. India Meteorological Department (IMD) pawh in khawlum tuar na zual turah hian inralrinna a tichhuak a. Rajasthan, Delhi, Haryana, UP leh Odisha te chu 45 degrees Celcius kai thei a ni tih a tarchhuak.
Odisha hi khawlum lam tuarna pawl ah an tang a,tunhnai mai khan video pakhat a viral hluai bawk. April 25 khan video hi phochhuak ania, a lar zui hle nghe nghe.
Video ah hian Odisha ram Sonepur district a mi hmeichhe pakhat chuan Car hmalam khuhna ‘car bonnet’ ah chuan roti a siam a, car bonnet chung sa ah hian roti alo ur hmin a ni. Video hi a dik ngei a nih ngat chuan Odisha khawlum tawrh nat zia hi a turu thawkhat tih a hriat theih awm e.
Scenes from my town Sonepur. It’s so hot that one can make roti on the car Bonnet 😓 @NEWS7Odia #heatwaveinindia #Heatwave #Odisha pic.twitter.com/E2nwUwJ1Ub
— NILAMADHAB PANDA ନୀଳମାଧବ ପଣ୍ଡା (@nilamadhabpanda) April 25, 2022
Video a lak a nih lai hian temperature san lam hi 40 degrees Celsius niin tarlan a ni a,Odisha’s Sonepur chhuak Indian film producer leh director, Nila Madhab Panda chuan video clip hi a Twitter ah a post ani.
