IAS nupa Sanjeev Khirwar leh a nupui Rinku Dugga te tunhnai lawk a an hmingchhiat hrep hnu ah Assam lama IAS officer, Keerthi Jalli erawh hi zawng a chet dan hawihhawm leh inngaitlawm tak vangin Social Media ah lawm a hlawh hle.
Keerthi Jalli hi Deputy Commissioner Cachar in a awm a, a district huam chhunga tuilian in chhiatna a thlen nasat zual te tlawh kual in an mangan na leh harsatna te a ngaihthlak sak ani.
May 25 ah Keerthi Jalli hian Chesri GP (Gram Panchayat), Chutrasangan village a tlawh. Mitam tak thinlung hneh em em tu chu IAS Officer hial ni chungin a awmna hmun a zir zel a insiam rem dan a thiam hi a ni.
Tuilian avanga chirh nasa lutuk so chu a ke lawng ngat in a dai phei ve hmiah hmiah mai. An harsatna tawh te ngaithlak sak thei turin amah a inhawng em em bawk a, nui hmel hlim tak pu chungin midang te a chhawn.
Official te nen tuilian in buaina a thlen te lak atang a in vendan tur te sawi ho na an nei a, tuilian tuar na zual tualchhung mite hnen ah chhawmdawlna relief materials a pe bawk. Video viral pakhat ah chuan Keerthi Jalli hian a ke a chirh kai te silfai nan hian tui thianghlim ai ah tuilian (flood water) chu pe zawk turin a hrilh ani.
A hnathawh na lama a inpek zawh em vang hian Internet ah fak a hlawh zui nasa hle a, 2020 khan a hnathawh that vangin ‘Best administrative’ chawimawina an hlan tawh. Keerthi Jalli ang mi hi ram in a mamawh tak an nih thu an sawi hial nghe nghe. Assam ah hian hmun hrang hrang ah ruahsur chatlak lo in tuilian leh leitawlh nasa tak a thlen a, 20 district atang in mihring cheng nuai 5 ai tamin harsatna an tuar.
