India ram Jharkhand a Gumla district ah kum tling lo hmeichhe naupang pakhat pawngsual tu te chu khaw miten kutthlak rawn in a hnu ah a nung chungin mei in an hal tih hriat ani.
He thil hi Nilai zan a thleng kha niin district headquarter atang 15 km vel a hla Basua Panchayat of Sadar police station area huamchhung ah ani.
India Today in a tarlan danin hmeichhe naupang hi a nu leh pa te nen an khaw thenawm ah inneih hmangin an kal a, an khaw lama kir leh tur in bus stand ah an ding a, hetih lai hian bike ah mi pahnih inphur te chu an awmna lam pan a kal in chanchin an in zawh hnu chuan an awmna mi an nih tho vang leh a remchan em vangin an fanu chu an rualin a chuan haw tir.
Ngaih ngam taka a fanu a thlah fel hnu ah chuan a beisei loh leh rinphak loh tak mai a fanu chungah a thleng tih a hria a. Phur haw tu mipa pahnih te hian a fanu hi in an thlenpui hma in an lo pawngsual ani.
Hmeichhe naupang hian an pawngsual thu hi a nu leh pa te hnen a a hrilh hnu ah hriatchhuah a ni a, khaw mipui thinrim chuan pawngsual tu te hi kut thlak in an sawisa. Mipui thinrim hi bengdaih theih mai a nilo a, misual pahnih hi tui alh thei hmanga theh/leih in a nung chungin an hal zui ta ani.
Pawngsualtu zinga pakhat zawk Sunil Oraon chu a nunna chhan hman lohin a boral a, pakhat zawk Ashish Oraon hi Ranchi a Rajendra Institute of Medical Sciences (RIMS) damdawiin ah enkawl mek niin a taksa kang ah hliam na tak a tuar.
