Douglasville, Georgia a mi hmeichhe naupang kum 7 a upa chuan Kristmas pu (Santa Claus) hnen ah thil dil in, a thil dil chuan mite thinlung a khawih in a lehkhathawn ziah hian share chhuah a hlawh hle.
He hmeichhe naupang Sa’Raya hian Christmas hma lawk a boral a pa chu koh kir leh sak turin a ngen a, a pa Joshua Mitchell hi December 17 ah a hnathawhna atanga in lama a hawnna ah vanduaina tawkin kahhlum a ni.
Christmas thlen nan ni tam pawh awm lova pa ber chunga thil thleng chuan an rilru a ti na in, hunpui lo herchhuak chu an tan mangchhia leh lungngaihna mai a ni. Sa’Raya chuan Santa hnen ah present dang engmah a mamawh lo a, a mamawh zawng chu a hmangaih em em a pa lo let leh theih chu a duh ber tih a sawi.
“Dear, santa tun christmas a ka duh ber chu ka pa lo let leh hi a ni a, ka pa hi ka hmangaih em em a, mi tu emaw in min tih nat sak in a nunna min laksak a ni. Aw Lalpa khawngaih in ka pa kha min pe let leh rawh” tiin a ngen a, grade tha tak a neih thu leh School ah pawh naupang thuawih tak a nih thu a sawi bawk.
Joshua nupui Nicoele pawh in an hun tawn mek chu tawrhhlelhawm khawp a natna a nih thu a sawi a, a fate hmel a hmuh changin insum zawh har a tih zia 11 Alive hnen ah a hrilh.
A pasal hi Marine a ni a, a chunga vanduaina a thlen hma lawka a hmangaih zia thu a hrilh chu a beng ah a ri nawn tluk tluk a, he a thusawi hi a thawk tawp thleng a a hriat reng tawh tur a nih thu a sawi nghe nghe. Nicoele chuan a pasal tan hian dikna hmuh ngei a duh a, tun thleng in Police ten a pasal kaphlum tu hi an la zawng hmu thei lo. Joshua Mitchell hian a nupui Nicoele leh a fate pathum a kalsan a ni.
