Hlasak thiam Yin Ko @ U Maung Maung Lwin le Daw Mon Mon Kyaw cun hlasak thiam Kyar Pauh @ Ko Han Htoo Lwin cu an fapa sinak ihsin an hlon thu October 18 ih suahmi rampi thuthangca ihsin thuthannak an nei.
An tarlang dan ahcun Maung Han Htoo Lwin cu nulepa ih nun simnak ngai loin amai duhnak vekin inn ihsin a suah ruangah tuini ihsin thokin fapa sinak ihsin hlon a si thu le nehhnu lam ah a thuhla thawn pehparin țuanvo laksak a si lo ding thu an tarlang.
Hlasak thiam Kyar Pauh @ Ko Han Htoo Lwin cu a neihmi Ukulele țingțang cu amah rori in zuksuai in auction a tuah ih American dollor 27500 a ngah. Hi sumpai zaten NUG hrangah a pe ding.
“Ka thiamnak in lei siloin NUG support tuah duh ruangah in leimi a si tiah ka zum” tiah a Facebook cahmai khalah a tarlang.
Hlasak thiam Kyar Pauh cu February 1 ih ralkap in rampi thuneihnak an lak ihsin dokalhnak lam cangvaitu a si ruangah pukmah 505 hmangin thubuai an tuahsakmi a si.
