Thian tha hi chu chhungkua ang mai hi an ni a, harsatna, lungngaihna leh lawmna karah pawh an pawimawh em em a. Thuruk leh thil engkim kan thlenna hmun ani thin.
Kerala college zirlai pakhat Alif Mohammed dinhmun atang hian thian tha hlut zia leh pawimawhna a langchiang viau mai. Alif hi piantirh atang in ke nei lovin a piangchhuak a, mite ang in a duhna hmun hmun ah a kalsawn ve thei lo. Hmun dang a kal tur chuan tanpui a hruai tu tur a mamawh thin ani.
Mahse a piansualna avang hian Alif hian beidawn nan leh rilru hnual nan a hman phah lo a, zirna lama mi hlawhtling tak ni turin a theihtawp in a bei zawk. Kollam district’s Sasthamcotta a DB College ah BCom a zir mek ani.
Kalna turin ke a neih ve loh vangin College a luhna ah hian campus chhung a hruai turin a thiante pahnih Archana leh Arya te chuan an tanpui chawt thin a, kal duhna a neih a piang ah phunnawina nei lovin an thianpa hi kuahin an hruai thin ani.
#Kerala:this video of #alif being carried by his friends at #DBcollege ,sasthamcotta #kollam will make your day. Alif says from school days it has been his friends who carried him around.
Video courtesy: Jagath Thulaseedharan pic.twitter.com/cPqZJRu7EB
— Neethu Reghukumar (@Neethureghu) April 6, 2022
Reddit ah an video hi share chhuah a ni a, mitam tak video clip lo hmu tu te chuan thiantha hlutna an chharchhuah phah hial tih an sawi bawk.
Video la tu hi Jagat Thulaseedharan a ni a, college a youth festival an hmanna a thlalak na a neih ah Alif leh a thiante che tla vel hi a hmu fuh a. A thinlung a hneh em vangin a camera phawrh chhuak in an chetla vel chu alo laksak tih a sawi ani.
