Alex Cooper’s “Call Her Daddy” Podcast ah Hailey Bieber in fans ten Selena Gomez lak atanga a pasal Justin Bieber ruksak leh chhuhsak ang a an puhna ah chhang letin thu dik a nih loh thu a sawi a, a pasal chu tu lak atang mahin a chhuh reng reng lo a ti.
Mi pahnih inkara tla zep ang a puh a nih ah hian huatna leh diriamna tawngkam tam tak a dawng tih Hailey chuan a sawi tel a, Justin nen an inkawp hian midang tumah an inkara telve an awm loh thu a sawi chiang bawk.
Hailey in Interview a neih atanga ni khat a liam hnu ah Selena Gomez chuan Hailey hming hmer chiah si lo in Tiktok live a neih ah chhanletna a pe a. A fans te chu zawldawh leh ngilneihna nena awm turin Hailey thlavang hauh zawngin thurawn a pe.
Selena chuan a fans te bul ah midang rilru tina zawng a tawngkam dengkhawng hmang chu thil ngeiawm leh huatthla la a ni a ti. Thu bengtla lo tak tak te chu a hriat a tan a mawilo leh a ngaih kher bawk loh thu a hrilh in fans te chu zawldawh leh rilru zau taka awm turin a zirtir a ni.
Hemi rual hian a thil thar tlangzarh tur Rare Beauty’s Kind Words Matte lipstick leh lip liners ah a sawi lut a, a fans ten an thlawpna vangin lawmthu a hrilh bawk.
Hailey hian khawvel huapa pop star lar ber zinga mi Justin Bieber pasal ah a neih hlim khan sawisel leh huat rawn a hlawh viau a, Online ah beihna nasa tak tawkin tun thlengin fans haw tu te hian kianzai an la rel san thei lo a. Interview a neih hnu phei hi chuan mi thenkhat huatna a thar thawh phah leh viau nghe nghe a ni.
