Hailey Bieber chu kar hmasa lawk khan thluak lam a harsatna tawk in blood clot vanga damdawiin a a in admit hnu ah a dinhmun pawh a tha chho zel a, an nupa bakah a thiannu Kendall Jenner leh a bialpa te nen zanriah kilin an chhuak hmuh tur a awm ta.
Pathianni zan khan in Kendall, 26, Devin, 25, Hailey, 25, leh Justin, 28 te hian ‘double date night’ an nei ho dial dial a, Santa Monica a Giorgio Baldi restaurant ah zanriah an kil ani.
Milar rual thah 4 te hun hmang hi thlalatu paparazi tam tak a huikhawm hneh viau a, restaurant leh an car dahna an pan inkar chhung chu camera de in a zui tluan chhuak zak bawk.
Supermodel, Kendall Jenner leh a bialpa NBA star, Devin Booker te hi an inzui tantirh khan an inkar hi a ruk thei ang ber in an kalpui a, hmuh zen zen an ni ngai lo. Hmanni deuh lawk atang khan langsar ang reng takin vantlang hmuh ah an inzuichhuak ani.
Hailey leh Kendall te hi an inkawmna a rei tawh hle a, Hailey hi Kardashian chhungkua te nen an inkar a tha hrim hrim bawk. Kendall bakah a unaunu Kylie Jenner te nen pawh an inpawh hle. A pasal Justin nen an inngaihzawn lai pawh in Kardashian unau te nen an inkawm tam viau.
