Khawthlang ram chanchinbu lian leh thu thar lakhawm tu tam tak in an inkar an buaipui fe hnu ah Barcelona defender Gerard Pique leh a kawppui Colombian zaithiam Shakira te chuan an inthen thu an puangchiang ta.
An inthenna chungchang ah hian sawi a tam in mak tih a hlawh ang reng viau a, kum 11 zet an inkawp tawh ani. Spanish news outlet El Periodico ten an inthen thu hi an rawn puangchhuak hmasa ber bawk.
El Periodico in a tarlan dan ah Gerard Pique hi a hming chhe hle nghe nghe.Gerard Pique hian hmeichhe dang lak ah Shakira hi a rinawm loh san a, chiang takin Shakira hian a man chhuak. He thil hian an inkar ah khi thuk tak siam in an inthen phah tih an sawi.
Tarlan leh zel danin Pique hi an chenna atang a inthiarchhuak in Barcelona a Muntaner bachelor house ah amah in hun eng emaw chen chu a khawsa tawh ani.
An inthen chungchang thuchhuah intawm an siam ah hian an fate an enkawl dan tur chungchang chu an ngaihtuah hmasak leh dah pawimawh ber tur a nih thu an sawi a, hetih mek lai hian an privacy chu zahsak hram turin an ngen. Thuchhuah ah hian an inthen chhan ni thei awm thu chiang fek fawk engmah an tarlang tel lo thung.
2010 World Cup anthem, “Waka Waka (This Time for Africa).” an promote na ah Shakira leh Gerard Piqué te hi an intawng a, March 2011 ah an inkawp thu hi an nemnghet a, dan ang takin an innei lo thung. An pahnih hian fapa pahnih Milan, 9, leh Sasha, 7 te an nei hman.
