Football hi infiamna ah chuan lar ber tia sawi theih ani. Club leh Team hrang hrang ten tantu (fans) an nei theuh thin a, fans zingah pawh hian duh satliah nilo atchilh bur pawl Die-Hard fans hi an awm leh bawk a. Die-Hard fans te phei hi chuan an team/club ngaihsan tan hian an inhlan pumhlum deuhthaw thin.
Brazil ram a mi Mauricio dos Anjos hi football ngaisang em em tu zinga mi a ni ve a, a club tan te pawh a pe na ve khawp mai.Brazilian sports club, Flamengo club te tan liau liau a taksa ah tattoo chhut tirin, Flamengo jersey chu a taksa pum ang ah a chhut kai tir ani.
Mauricio hian a taksa a Flamengo jersey a chhut tirna ah hian kum chuang a hmang a, tun ah chuan Jersey hran pawh hak ngai tawh lovin engtik lai pawn jersey chu a inbel reng tawh zawk dawn.
A taksa a jersey a chhut chhan a sawi chuan, kum naupang te a nih lai a tang in Flamengo fan ruh tak hi a nih vangin hemi pual hian tattoo neih ngei a duh thu hi a sawi a, nikum ah a chhut tir tan ani. A nghawng leh zang ruh (spine) chhut lai chu tawrh hakthlak ber lai ani ati. A hnung lamah a ngaihsan em em legendary Brazillian soccer player, Zico pualin no.10 a chhut kai tir tel nghe nghe.
A taksa pum deuh thaw a tattoo chhut tir hi a hautak hle ang tih a hriat reng a, a man pawh to hle turin a ring. A chhe berah R$10,000 (£2,000) leh R$15,000 (£3,000) inkar a nih a beisei a. Mahsela tattoo chhutsak tu artist hian a team duh zia lo hriatsak in man to lo leh chawibelh ngai lovin tattoo hi nalh takin a chhuahsak.
Dos Anjos chuan a thil tih ah hian inchhirna reng a neilo a, a club tan em em te Jersey ang ngei mai a taksa a chuang vang chuan a inchhuang hle zawk ani.
