Football hmang a ram hrang hrang te in elna neih World Cup 2022 chu zan in hian a kharna neih a ni dawn a, final ah hian Argentina leh France te intum dawn in an pahnih ah hian hnehna changtu zawk hriat theih a ni thuai ang.
Argentina leh France te inkhelhna turah hian mitam takin khawi ram nge Champion ang tih ah rinlawkna leh inhnialna a awm a, final khelh turah hian uite, satel, zawhte leh sangha hmang te in champion tur thlirlawkna anlo nei bawk.
Desde perros y gatos hasta águilas han dado sus predicciones para la Gran Final#LaJugadaCelebra @LaJugadaTUDN en @MiCanal5 pic.twitter.com/caeqWyvVGu
— TUDN MEX (@TUDNMEX) December 16, 2022
Thil nung hrang hrang hmang a World Cup trophy chawi tur ram predict na hi Video hrang hrang siam a thehdarh in predict na atang in Argentina te chu hnehna chang tura beisei na a sang zawk.
Argentina ram hi 1978 leh 1986 ah te World Cup ah an lo champion tawh a, 1930, 1990, leh 2014 ah te pahnihna dinhmun ah an inhlangkai tawh. Kum in hian World Cup trophy hawn tura beisei a sang viau a ni.
Nungcha leh thil nung dang hmanga World Cup a chak tur zawk Prediction neih hi a hma pawh in alo lar hle tawh. South Africa a 2010 FIFA World Cup khelh tumah pawh Paul the Octopus chu hman niin Spain te chak tur alo ringdik tawh a, Paul hian predictions 14 a neih ah 12 ringdik tawh in mahse 2010 world cup zawh hnu lawk ah Paul hi a thi. Hemi hnu hian Paul aiawh tur in thil nung hrang hrang hman a ni a, amahawherawh chu Paul anga ringdik thei hi an la awm vak lem lo thung.
