Johnny Depp chu a nupui hlui Amber Heard nen an inkhinna ah thil danglam tak a tawng a, a fans zinga mi hmeichhe pakhat tu tih hriat loh chuan a naute pawm in Virginia’s Fairfax County Courthouse ah a fa pa chu Johnny Depp a nih thu a sawi.
He thil thlen hun hi Thawhtanni zing khan a ni a, chawlh lailawk an neih lai tak niin judge Penney Azcarate in court room a chhuahsan zawk hlan ah ani.
Hmeichhia hian a sawidan in a naute pa hi Johnny Depp ngei niin a puh a, Depp chu a hmangaih thu leh an thlarau thleng a inzawmna an neih thu a sawi tih Law & Crime ten an tarlang bawk.
Depp pawh in a fa pa a puh tu fans hmeichhia hi huatna neilo in a lo nuih in a ban alo vai let sak a, a thusawi mak tak leh Depp a puhna an zawhchian erawh chuan belhchian tlak a ni lem lo thung. Law & Crime reporter chuan hmeichhia hi deputy in zawhna an zawh hnu in a thil tih leh sawi zawng zawng chu fiamthu mai mai a ni tih a hrilh leh.
Johnny Depp leh Amber Heard te court case hi thla hmasa atang tawh khan tan a ni a, Thawhtanni ah trial hi chhunzawm leh a ni. Court ah hian an mahni lam ve ve te ah thu hretu an dingchhuak teuh tawh bawk a. Thawhtanni hian Hollywood film producer Kathryn Arnold pawh a ding nghe nghe, trial dawt leh ah Depp bialnu hlui Kate Moss chu Court ah hian inlan tura beisei ani bawk.
