Dortmund, Germany a cheng leh khawsa Kursat Yildirim chuan lottery atangin pawisa tam tham zet €9,927,511,60 lai a man tih hriat a ni.
A pawisa man hi India pawisa phei chuan cheng vaibelchhe 81 zet a tam a ni. Hetia vanneihna a tawnbuak hnu hian steel mill a a hnathawh lai chu a bansan nghal a, a pawisa atanga Rs 3.6 crore chu Ferrari 448 Pista lei nan hmang in Rs 2 crore chuan Porsche Turbo S Cabriolet a lei bawk a ni.
Lirthei changkang tak bakah hian Kursat chuan in tur lam chi leh sana man to tak a lei a, a sum neih hi a tam tham em vangin amah mai chuan a hmang zo thei dawn lo tih sawiin a sum chenpui thei tur nupui a zawng hial.
German newspaper Bild hnen a a hrilh danin tunah hian amah in a zalenna ala chen mek a, hmeichhe duhzawng mumal pawh a nei hran lo. Sam dum, sam buang emaw vun hang leh ngo ah engmah a buai loh thu a sawi. Hmeichhe zinkual nuam ti mi leh chhungkua a dinpui theih tur chu a duhsam ber a ni a ti.
