Pakistan ram a mi Shahzaib Khan tia tarlan chuan fa hmuh hmasak ber atan fapa ngei a duh vangin a fanu pianghlim deuh chiah, kum pawh la tling lo chu a kaphlum tih hriat ani.
Naute hi a hming Jannat a ni a, ni 7 chauh a upa ala ni. Thawhtanni khan Shahzaib Khan hi an chenna in central city of Mianwali ah kal in a nupui hnen ah naute chu a kuta hlan turin a ti a, silai in a fanu hi vawi 5 lai a kap tih an sawi.
Shahzaib hi a nupui nen hian kum 2 an innei tawh. A nupui in fanu a nei tih a hriat hnu khan in ah a haw duh tawh lo a, mipa a nei lo chu a lungawi lo in a fanu hi a pawm thei ngang lo tih an sawi.
Silai a a fanu a kah hnu hian a tlanchhia a, Ningani khan Police ten an man. Pakistan hmun thenkhat ah hian hmeichhe dinhmun a la chhe hle. Hmeichhia chu phur rit ni a ngaiin fa tirah phei chuan an duh ngailo.
Hmeichhe lam chhungte atang in Hidayatullah Khan chuan tualthah hmangin Shahzaib Khan lakah thubuai a thehlut. “Naute hmeichhia ani tih a hriat rualin nasa takin a lungawilo ani” ati.
Hidayatullah hian a sawi zel danin naute hi Shahzaib lak atanga laksawn an tum hian silaia a tin tlat vangin engmah tih theih an nei lo tih a sawi. Human rights groups chuan Pakistan ah hian hmeichhia ten chhan hrang hrang ah kutthlak leh tharum thawhna an tawk thin tih an tarlang a. Social welfare charity group a an head Faisal Edhi pawh in kum 2 liam ta chhung khan nausen 500 chuang te chu hlamchhiah leh kalsan an ni a, a tam zawk hi hmeichhia an ni tih a sawi ani.
