Qatar ram a World Cup khelh zawh tak chuan hmun hrang hrang atang in thawm mak leh dangdai tak tak a rawn nei a. World Cup a mite ngaihven hlawh zui tak pakhat chu Ex-Miss Croatia, Ivana Knoll hi a ni a tih theih ang.
Kar liam ta Pathianni zan ah Argentina in France te chu hneh in, an vanneihna kaltluang chuan World Cup trophy an hum haw a, FIFA hian Argentina captain, Lionel Messi hnen ah Golden Ball award an hlan bawk a ni.
Mahse, Messi a’n Golden Ball chawimawina a dawn ah hian Ex-Miss Croatia Ivana Knoll chu a lungawilo hle a,FIFA te chetdan chu a dem thu Social Media ah a tarlang leh piap piap mai.
Instagram story ah “FIFA World Cup,Golden Ball chawimawina kha a dawng tur nilo zawk hnen ah in hlan a ni. Argentina kha hnehna changtu zawk an ni thei a, mahse Golden Ball kha chu Kylian Mbappe tur zawk” a ti. Hemi zan hian Mbappe hnen ah Golden Boot pek a ni ve thung a. He post atang hian Ex Miss Croatia hian Argentina nilo in France ram team te a awn zawk tih hai theih a nilo.
Ex-Miss Croatia, Ivana Knoll hi tun World Cup ah na na na kha chuan boruak nei hot ber pawl a ni. Muslim sakhaw vuantu tam na ram Qatar ah hian incheina chungchang ah dan khirh tak zam a ni chung pawh in thuamhnaw mak sak leh taksa lang tam thei chi hlir chu huaisen takin a rawn inbelchhuah pui.
Tin, Ivana hian an ram in World Cup nomawi an hawn a nih ngat chuan a fans te hnen ah a inphelhruak dawn tih a tiam bawk a, amaherawh chu an ram Croatia in hnehna an chan zawh tak loh vangin a thutiam hi a ti hlawhtling thei ta lo thung.
Daily Mail hnen a a hrilh dan in World Cup a inlan hnu khan fans te atangin inneih pui a sawmna pawh a dawng nual. Mahse alo hnar sak zel tih a sawi. World Cup tawp ta mai chu pawi a ti hle a, WC hian Instagram ah nasa taka thehlar in a tira 570,000 followers chiah nei a inlan kha maktaduai 3 ai a tam daih zuitu a neih phah tih a sawi bawk.
