Goodison Park a Manchester United leh Everton inkhelh ah United chu 1-0 in Everton lakah an tlawm a. Inkhelhna a sawizui hlawh tak erawh Everton fan laka Cristiano Ronaldo chetdan mak tak kha ani.
Cristiano Ronaldo hian inkhel zawh ah player dang te nen khelmual chhuahsan in tunnel an panna ah chuan Everton fan lam a mi rawlthar pakhat, a phone hmanga an chetla lai lo record tu chu a phone a vawmchhiat sak a, Ronaldo hi a landan atangin a lungawi hmel loh hle. Rawlthar Phone a vawmchhiat hnu hian ngaihsak zui lo in tunnel a luhsan nghal ani.
Mahse he thil thleng hi video a lo lak a ni a, social media ah phochhuah a nih hnu ah mitam takin Ronaldo chetdan hi mak an ti a, a professional zia lo hle tiin demna a awm phah.
Cristiano Ronaldo smashed someone's phone after losing to Everton, according to fans at the ground 😳
(via @evertonhub) pic.twitter.com/a20z4Sg20F
— ESPN FC (@ESPNFC) April 9, 2022
Phone a tihchhiat sak tak Everton fan hi kum 14 leka upa Jake Harding a ni a. A nu Sarah Kelly in Liverpool Echo hnen a a hrilh dan in a fapa laka Ronaldo thil tih vang hian Jake Harding hi kut duk/hliam chunga an hawn thu a sawi nghe nghe a, Ronaldo lakah hian a lungawiloh zia auchhuah puiin Merseyside Police chuan thil thleng hi investigation an neih thu an puang bawk.
Sarah Kelly chuan a fapa hi autistic niin dyspraxia in a tlakbuak bawk a. Tun hi inkhel a en hmasak berna ani a, mahse a chunga thil thleng leh Ronaldo chet dan hian a thawng hle ani. Hei vang hian Game dang en leh pawh a duh in a rin tawh loh thu a sawi hial bawk.
Ronaldo assaulted a kid because he lost a game. Crazy pic.twitter.com/2Cr6mYNqT4
— MC (@CrewsMat10) April 9, 2022
Ronaldo chuan he thil thleng chungchang hi a Social media kaltlanga post siamin a chetdan ah ngaihdam a dil a, Everton fan Jake Harding hnen ah hian Old Trafford a Game en turin a sawm nghal ani.
