Daily Mail in a tarlan danin Argentine goalkeeper, Emiliano Martinez chuan World Cup winner medal a dawn chu a ngaihlu in enkawl that a mamawh tih a hria a, venghim turin £20,000 man ui a lei tih hriat a ni.
A medal dawn venghim tura Ui man a a insen zat hi India pawisa chuan tam tham fe a nia, cheng nuai 19 dawn vel lai a ni a, Martinez ui lei hi ui satliah mai mai nilovin U.S. Navy Seals ten an hman ber a ni bawk.
Belgian Malinois security dog a ni a, SAS leh U.S. Navy Seals ten combat zones atana an rinrawl leh an hman ber a ni.
Daily Star in a sawi dan in Elite Protection Dogs atangin Aston Villa goalkeeper hian a lei a,West Midlands a an chenna in leh a World Cup Medal dawn vengtu atan bera a lei a ni tih an sawi.
Belgian Malinois ang ui hi 30 kilograms laia rit te an ni thin. 2022 FIFA World Cup nomawi an chawi hnu ah Martinez hi a nungchang leh khawsak danin ngaihven a hlawh hle bawk a, a mal ah hnehna an chan lawmna pualin tattoo a chhut thar tir hial a ni.
