Tesla billionaire Elon Musk leh a kawppui, ni leh nilo ang renga a kawp Grimes te chuan a rukin an fa pahnihna an neih thu hriat a ni a, fa dang an neih leh hnu ah an inthen zui leh nghal bawk.
Grimes hian Vanity Fair cover story ah fa dang an neih leh thu hi a puang a, nikum December khan surrogate kaltlangin fanu an nei. Grimes chuan twitter ah he mi chungchang hi a nemngheh rualin Elon Musk nen an inthen tih pawh a sawi chiang tel a, mahse a thiantha tak a nih reng thu in a interview na publish atanga darkar 4 ah tweet a siam ani.
Elon leh Grimes te hi kum thum zet an inngaihzawn hnu ah September 2021 ah an inthen a. An fanu hi December ah a piang ve leh chiah. A hming atan Exa Dark Sideræl tia phuah in a lam tawi ah ‘Y’ tiin an phuah tel.
An fanu hming tir Exa hi supercomputing term exaFLOPS atanga rawn piang a ni a, a hming lai Dark hi dark matter emaw thil va hriat loh ‘the unknown’ a kawk. A tawp ber Sideræl hi ‘sigh-deer-ee-el’ tia lam rik tur a ni a, hei hi Grimes ngainat em em Lord of the Rings character, the elf Galadriel te nen inzawmna neiin an sawi bawk.
Fa hming phuah dangdai kawng ah Elon leh Grimes te hi an lar tawh sa hrim hrim a. May 2020 a an fa hmasa ber atan fapa an neih pawh khan a hming ah ‘X Æ A-12’ tiin an phuah a, khawvel pawh in mak a ti viau. Hming dangdai lutuk an phuah sak vangin an buai phah reng a, birth certificate an buaipuina ah California dan ah chuan mihring hming ah ‘numbers of symbols’ hman phal a nih loh vangin an thlak danglam ngei ngei a ngai. ’12’ leh æ chu AE a thlak in ‘X AE A-Xii’ tiin register ani.
An fanu ‘Exa Dark Sideræl’ pawh hi Texas a birth certificate buaipui a register a nih dawn chuan hming ah English characters chauh hman phal a nih vang in symbol ‘æ’ hi an siam that leh a ngai dawn ani.
Elon Musk hi a hausa tawn taw bawk a, hmeichhe lamah a tlana hle. A hausakna hi $228.7 billion velin an chhutsak a. Exa Dark Sideræl hi Elon tan a fa 7 na a ni ta chiah bawk. Grimes nena an fa bakah a nupui hmasa author Justine Wilson lakah fapa 5 zet phir Griffin & Xavier, 17 leh triplets Damian, Saxon leh Kai, 16 te a lo nei tawh.
