Hollywood Star leh former WWE superstar, Dwayne ‘The Rock’ Johnson hian a hmangaih te hlimna siam sak hi nuam a ti thin hle a,a chhungte bakah a fans te tan pawh inphal zau thei tak ani bawk.
The Rock chuan Instagram ah video clip phochhuak in a hmangaih em em a nu Ata Johnson chu chenna in thar mawi leh nalh tak mai pe in alo Surprise.
A nu tan bik liau liau leh a rilrem tur thei ang bera a design sak hi hmuh tirin in chhung lam a fankual puina chu a phochhuak a. “Love you mom and surprise!” tiin video clip hi caption a hnuchhiah.
The Rock chuan mipa naupang a nih lai in a nu tap hmuh hrehawm a tiin a duh ngailo tih a sawi a, mahsela tunah erawh a hlim luat avang a a mittui tla chu atan hmuh nuam tak a nih thu a sawi ani.
In chhung bang ah hian a ukulele te chu tarin an chhungkaw thlalak te chu tar a ni bawk. The Rock chuan a nu duhthusam leh a suangtuah ang chenna in a lei sak thei chu vannei a intih thu a sawi a, a nu hnen ah a hlimna siam sak ai a lawmna tur thil dang a awm lo tiin a hrilh bawk.
Tun hi The Rock hian a nu chenna in a leisak hmasak berna a ni tawh lo. Kum 2018 December khan Christmas Card a pek rualin chenna in thar a lei sak thu hi a hrilh a ni.
A taksa leh pawn lam landan ah pa ro rum leh pawisak nei lo tak angin lang mahse chhungril ah erawh hmangaihna ngah tak mi a ni a, a fans vannei zual tak tak hnen ah lirthei changkang leh manto zet alo pe tawh thin bawk.
