India ram Karnataka state ah chuan thil mak tak thleng hriat a ni a, damlo pakhat pum chhung ah a mak a mak a tam pawisa thir (coins) zai chhuah a ni.
Damlo hi a tirah a pum nat vangin hrehawm alo tuar a, a luak tel bawk. Doctor hnen ah in entir tura a kal chuan Doctor in a pum nat chhan hre turin X-ray leh endoscopy te a neih sak hnu ah a pum tina tu hi hriatchhuah a ni ta a ni.
He pa Dyamappa Harijan hi Raichur district’s Lingsugur a cheng leh khawsa nia hriat a ni a, Schizophrenia an tih natna veiin hemi natna vei tu te hi chuan an awmdan te an theihnghilh zung zung a,an thil tih pawh an hre tawh mai ngai lo.
Doctor in a lakchhuah hnu ah a pawisa thir (coins) dawlh zawng zawng hi 187 lai a ni. 56 coins hi Rs 5 a nia, 51 hi Rs 2 leh 80 hi Rs 1 a ni. A vaiin a pawisa dawlh hi Rs 462 a ni.
Thla 2 emaw thla 3 liam ta atang daih tawh in coins hi dawlh a lo ching tawh a, a rih lam hi 1.5kg niin surgery neih sak tu Dr Eshwar Kalaburgi chuan a pum chhung a kg 1 aia rit coins a pai vang hian a pum lam pawh a tihzau phah thu a sawi. Coins lakchhuah nan hian darkar 2 lai hun an hmang bawk.
Coins dawlh chin hi thil thar a ni tawh lo a, kum in August thla ah pawh Rajasthan a damlo pakhat pum atangin Coins 50 aia tam lakchhuah alo ni tawh.
