Sagaing ramțhen Debeyin peng Hnaw khua uksuh Tityaaih palik zung cu October 10 zaan nazi 9:15 ah zo timi theih lo pawlkom pakhat in an urkang tiah theih a si.
Hi palik zung cu August thlacem ihsin palik pawl cun an tlansanmi zung a si thu, atui’ meikang hi zo timi theih lo pawlkom ih tuahmi a si thu theih a si.
“A thok ahcun Yioo peng Țawngpin lam ihsin ratu ralkap pawl cu hi palik zung ah an um tiah kan thei, an ratnak lamzin ah doawknak a um ih an ra thleng lo, zo pawlkom in an tuah timi cu kan thei lo” tiah tualsungmi pakhat in a sim.
Hi palik zung ih palik pawl cu Debeyin khawpi myoma palik zung ah an kom ih zohman an um nawn lo thu theih a si.
