Rampi thuron Daw Aung San Suu Kyi thubuai tuahsakmi pukmah 505 cu November 30 ah thutluknak tuah loin ralkap council thuțhennak zung cun December 6 ah a țhawnsal thu thuțhennak lam thuthang cun an sim.
Daw Aung San Suu Kyi thubuai tuahsakmi emergency managament act hrangah theihpitu a simi Mandalay ramțhen Chief Minister Dr. Zaw Myint Maung cu a harhdamnak a țhat zo ruangah ko dingin sihni pawl cun report an tuah na’n ralkap council ih retmi thuțhentu cun December 6 ah kan relfel ding tiah a sim thu theih a si.
Ralkap council cun rampi president U Win Myint, rampi thuron Daw Aung San Suu Kyi telin mipi hruaitu pawl cu dik lo zetin an kai ih rampi thuneihnak cu long tahratin mipi 1500 lenglo an thah hleiah minung thawngtel cu thawng an thla.
