Rampi thurawn Daw Aung San Suu Kyi cu thinlung fimvar zet le cakvak in a um lai
February 1 zingih Kawl ralkap pawlin an kaih ihsin a thuhla theih a si nawnlomi rampi thurawn Daw Aung San Suu Kyi cu Tuisun May 24 hi Online ihsin thuṭhennak hmai suahpi a si. Daw Aung San Suu Kyi cu Thinlung khawruahnak cakvak zetin a um ih an kaih ihsin lenglam mi zo thaw hman in pehtlai awknak an nei lo, tiin a Lawyer cun a sim.
“Daw Aung San Suu Kyi cun nan zaten nan harhdamnak ding hrang thlaza ka cam. Party ka rak dinmi khal mipi hrangih ka rak dinmi a si vekin mipi an um kulhsung cu hi Party khal a um vivo ding, tiin a cah thu” le Daw Suu cu thinhar zetih um hmel a pu lo, thazang cak zetin a virvat a ṭha zet lai ko, tiin amai’ Lawyer asimi ဒေါ်မင်းမင်းစိုး cun a sim.
Daw Aung San Suu Kyi cun tufang hi khui tawkah an ret, khui tawk thuṭhanzung hmai ah an suahpi timi zianghman a theilo, tiin a lawyer cun a sim. Hmai thla, June 7 ah khin thuṭhennak hmai ah suahpi sal ding a si.