Daw Aung San Suu Kyi cu eithup thubuai thawn Mandalay ih an hekmi case 4 cu October 1 ihsin thuțhennak zung ah an zohfel thlang ding thu Daw Aung San Suu Kyi ih sihni U Khin Maung Zaw in simnak a nei.
Hi thubuai cu zarhhnih veikhat tlawngkai ninga tinten Mandalay ramțhen thuțhennak hluttaw ih thuțhentu in Naypyitaw ah a zohfel ringring tiah theih a si.
Daw Aung San Suu Kyi cu အဂတိလိုက်စားမှုတိုက်ဖျက်ရေးဥပဒေပုဒ်မ 55 thawn case 4 an orhter ih hi pukmah ih case pakhat cu a tam bik kum 15 tiang thawngtlak theih a si.
Hi case 4 sungah Yangon ramțhen CM U Phyo Min Thein hnen ihsin American dollor ting 6 le sui cuai 7 cu țum thum ah țhen in a la timi hi case pakhat a si. A dang case 3 cu Daw Khin Kyi foundation thawn pehparih orhtermi an si.
Cuihleiah Yangon ih thubuai tuahsakmi မြန်မာနိုင်ငံလျှိူ့ ဝှက်ဥပဒေပုဒ်မ ၃(၁)(ဂ) khal Naypyitaw ah an zohfel ding thu theih a si.
Daw Aung San Suu Kyi cu emergency managament act artical 25 in case 2, phurh sukso lam daan pukmah 8, yazatetgyi pukmah 505(b), pehtlaih awknak lam daan pukmah 67, မြန်မာနိုင်ငံလျှိူ့ ဝှက်ဥပဒေပုဒ်မ ၃(၁)(ဂ) pawl thubuai a hmasuan rero lai ih အဂတိလိုက်စားမှုတိုက်ဖျက်ရေးဥပဒေပုဒ်မ ၅၅ thawn case 5 khal an orhter bet ruangah thubuai zaten komkhawm in case 11 a hmasuan ding tiah theih a si.
Daw Aung San Suu Kyi cu case an orhtermi zaten a sangbik ih an hrem asile kum 100 lenglo thawngtla thei dinhmun a si tiah theih a si.
