Danish soft rock & pop rock band Michael Learns To Rock, MLTR tia hriat te chuan thla thar November hian Northeast ah hun hmang in, fans ten hmaichhan ngei ah an hmu ve thei dawn e.
“Back on the road tour,” pualin Jascha Richter, Mikkel Lentz leh Käre Wanscher te hian Northeast ah Perform na hun an hmang dawn tih Director of 7 Sisters Foundation, Sunny Shimrah chuan a sawi.
MLTR te hi India ram khawpui 7 ah an Perform dawn a November 25 ah Aizawl a A.R Lammual ah hun hmang dawn in Alpha Omega chuan a host ang.
Aizawl a hun an hman zawh ah November 27 hian Guwahati ah an Perform ang a, November 29 ah Imphal ah hun hmang leh in December 1 ah Tura, Meghalaya a Me’gong Festival ah hun an hmang dawn a ni.
2015 khan MLTR hi Guwahati leh Mumbai ah te Perform na an nei tawh a. 2005 ah Global band a a hmasa ber atan Shillong ah Perform na an nei bawk. Tun tum pawh hian an hla hit tak tak “25 Minutes”, “That’s Why You Go Away”, “Paint My Love”, ” Out Of The Blue”, ‘You Took My Heart Away’ leh hla dangte Perform tura beisei an ni.
