United States Supreme Court in June 24 a US a hmeichhia ten dan ang taka nau tihtlak phalna a lo pek tawh chu kum 50 dawn hman a nih hnu ah letling thawk in a hnawl a, hemi chungchang ah hian khawthlang ram ah buaina hrang hrang a chhuah phah.
Nau tihtlak phalna dan hnawl a nih duh lo tu zingah milar tam tak an tawngchhuak a, heng zingah hian Taylor Swift, Billie Eilish, Harry Styles, Selena Gomez, Megan Thee Stallion, Viola Davis, Stephen King, Justin Bieber, Bette Midler, Shonda Rhimes te bakah former US presidents Barack leh a nupui Michelle Obama te an langsar hle.
Taylor Swift chuan Twitter ah hmeichhia ten an taksa chungchang a an dikna chanvo hun eng emaw chen an sual chhuah tawh hlih a ni ta mai chuan a thawn zia leh a barakhaih hle thu a rawn sawi chhuak a, Selena Gomez pawh in he dan dinglai hlih a ni chu pawi a tiin hmeichhia ten an mahni taksa ah chuan thuneihna an neih a thiang tur ani tiin a sawi ve bawk.
Harry Styles leh Billie Eilish te chuan America tan hun thim tak a nih thu a sawi a Billie Eilish phei chuan he dan awlsam taka paihchhuah a ni mai chu hmeichhia te tan ni duhawm loh ber a ni a ti hial, “keima taksa ngei a ka dikna chanvo te ka hloh vang hian min ti ngui hle ani” tiin a sawi.
Billie chuan Supreme Court in nau tihtlak phalna a hnawl thu a puanchhuah ai a Johnny Depp leh Amber Heard te intih hmingchhiatna trial neih chungchang bengkhawn leh ngaihtuah tlat te chu a dem thu a sawi tel nghe nghe.
Actress Halle Berry in Suppreme Court in a thutlukna a siam hi thil tul lo ber te zinga mi a nih thu a sawi. Former president Barack Obama pawh in he dan khapna hian mimal duhthlanna a rah beh sak thu leh American mi maktaduai tam tak te zalenna a hrek thu a sawi bawk a ni.
