Damdawi in awm lohna hmun, nurse leh doctor te pawh in an ngaihven theih lohna a naute neih chu engtiang chiah nge ni ang tih ilo ngaihtuah tawh em. Mahse hmeichhe pakhat chuan doctor leh nurse te buaipui a duh tlat lo mai.
Kum 37 a upa Josy Peukert hian damdawi lam thiam te tanpuina tel hauh lo in tuipui a fa a hring lai video clip vel chu a phochhuah hnu atangin Internet lam ah a lar hle a, Nicaragua, US a Playa Majagual a vaukam dep ah chuan nau hi a nei ani.
Josy hi a nau neihna hmun tur ah hian a pasal in a zui bawk a, chawlhkar eng emaw chen chu a nau neih hun hi a thlithlai tawh a, a fate dang zawng hi hospital leh in lama a neih te niin tuna a fa piang tur erawh environment tha tak hnuai a neih a duh a tuipui chu nau hrin nan a thlang tih a sawi.
Nau a vei tan chho tih ah an fate dang chu an thian kiang ah dah chhung in a pasal Benni Cornelius nen nau nei turin an mamawh tur ang towel te keng in beach lam an pan a. Hmun fianrial tak ah hian a duhthusam ang ngeiin Josy chuan fapa duhawm tak hringin a hmingah Bodhi Amor Ocean tiin a phuahsak.
Nau a neih na a kalpui tu a pasal Benni Cornelius chu a fak hle a, a thinlung taka a hmangaih vang leh engmah sawinawi na nei lova a duh ang te a tih hlawhtlin sak thin vanga lawmthu hrilhin pasal tha ber a nih thu a sawi tel bawk.
February 27, 2022 khan Josy hian a fapa Bodhi Amor Ocean Cornelius hi neiin tunah chuan chawlhkar 13 lai a upa a ni tawh ani.
