India ram Hyderabad a Saroornagar ah Dalit pa pakhat Billipuram Nagaraju chuan nupui atan Muslim chhungkua atang a chawrchhuak Ashrin Sulthana chu a nei tih hriat ani.
An sakhaw vawm a hran ve ve vangin an chhungte lam pawh in an inkara hmangaihna hi an pawmpui lo a, a bikin a hmeichhia Ashrin Sulthana chhungte hian B Nagaraju hi Hindu a nih mai bakah hnam hnuaihnung Mala community a nih vang in an duh lo zual kai bik.
Mahse an chhungte hian nupa a insiam duh lo a an do viau chung hian an innei lui ta tho. Kum in January khan Arya Samaj ceremony in nupa ah an insiam. An inneih atanga thla 3 a liam hnu ah Billipuram Nagaraju hi a nupui chhung ten an sawisa zui ta ani.
Nagaraju hi May 4 zan a a nupui nen motorbike a an inkhalhchhuak chu kawng ah tiding in beih an tawk a. A nupui Syed Ashrin Sulthana unaupa leh mipa dang chuan dimna nei lek lovin rod hmangin Nagaraju an vuak hnu ah chemte in an vit.
Nagaraju hi a hliam tuar lovin a boral. Syed Ashrin Sulthana chuan a pasal beitu zingah hian mipa 5 an inhnamhnawih a, an zing ah a unaupa pawh a tel thu a sawi. Ashrin hian thu thar lakhawmtu te hnen a a hrilh dan in a pasal nen hian kum 11 in hre tawh in Class 10 an nih atangin an inkawp tawh.
A pasal hian a chhungte pawh hmu in nupui a neih ah a sawm a, a sakhuana inleh thlengin a duh thu a hrilh. Mahse a chhungte hian an lo pawm sak duh lo tih a sawi. Tualthat tu zinga mi pa hnih te hi man an ni tawh a, Case hi ziahluh niin chhui zui mek a nih thu Police ten an tarlang bawk.
