Mague ramțhen Pouh peng Vuanchung khua ih ralkap hnenah mi zuarthlaitu dalan nunau pakhat cu July 27 zinglam ah thah a si thu Pouh PDF in an sim.
Hi dalan nu ih fapa khal Kaile palik zung ih hnațuan a siih khua minung pawl cu PDF an lut tiah ralkap hnenah mi a zuarthlai thotho. Insein thawnginn ih duhphorhnak tuahtu pawl an hrem ruangah phuba samnak ah tiin dalan nu cu an thah thu an sim.
Hi thuhla ruangah Cihnguțawng lam ihsin ralkap 100 hrawng an ra ih PDF cun bomb 6 an rak kam ih ralkap lam mithi le hriamhma tuar an tampi nan ziangzat an si timi nemhnget a theih hrih lo tiah an sim.
Kan dung zarh khalah Cihnguțawng kiangkap ah PDF cun bomb kam in ralkap 56 an rak thi ih Pouh PDF lam ihsin mi pakhat a thi tiah theih a si.
