NUG in rampi huap doawknak a phuan hnu zarhkhat sungah Chin ramkulh ihsin ralkap le palik 100 kiangkap in CDM tuah in CDF an kom thu CDF thusimtu Boris in simnak a nei.
Ralkap council hnuaiih hnațuan peh vivo an duh lo ruangah CDF komtu sung ihsin ralkap le palik hleiah thingram hnațuantu pawl khal an telih an zaten a țulmi bawm in humhimnak hmunah kuat an si thu CDF thusimtu Boris in a sim.
Ralkap council hnuaiih hriamkai pawl dinhmun in ralkap council hnuaiah hnațuan duh nawn loih CDF a komtu cu an humhimnak le an nunnak anmahkhan an siih sumpai bomnak pek an si hleiah a dang bomnak pawl khal tuahsak an si ding tiah Boris in a sim bet.
CDF kom zotu pawl khal a tulmi bomnak tuahsak an si ruangah CDF kom vivo dingin CDF cun sawmnak an nei.
Myanmar rampi huap in CDM tuahtu ralkap le palik 3500 an kim zo tiah CDM code number suahsaktu ပြည်သူ့ရင်ခွင် pawlkom in thuthannak an nei.
