Cristiano Ronaldo chu hriat theuh ang in Manchester United nen an contract a tih tawp hnu ah Saudi Arabian club Al Nassr zawm in kum hnih leh chanve daih contract an ziak dun.
Al-Nassr shirt ha chung in Ronaldo hi Mrsool Park khelmual ah a inlan tawh a, hetah hian a kawppui Georgina leh a fapa ten an tawiawm bawk. Ronaldo leh a chhungte hi Arab ah lut thar chiah in mipui lawm hlawh mahse Saudi Arabia dan leh dun an bawhchhe nghal tlat.
Ronaldo leh a kawppui Georgina te inkar chu buaina pakhat a ni a, Saudi Arabia ah hian nupa nilo a chen dun chu dan kalh leh phal loh a ni. Ronaldo te hi nupa angin awmdun mahse an la inneih miau loh vangin Saudi Arabia dan an bawhchhia.
Amaherawh chu Spanish news agency EFE in a tarlan dan in Ronaldo hian Saudi Arabia dan lo siam tawh sa hi bawhchhe mahse khawvel a footballer man to ber lakah hian ngaihhnathiamna awm in hremna hi a hmachhawn a ngai dawn lo in an sawi.
Ronaldo leh Georgina te chungchang ah hian Saudi Arabia lawyer pahnih pawn authorities ten former Manchester United star lakah hian action engmah an lak a rinawmloh an ti bawk a, marriage contract tel lova awm dun hi dan kalh ni mahse tunah rih chuan authorities ten an mit an tidel rih an ti.
Media dang pawh in hei hi an khel nasa hle a, mahse Saudi Arabian authorities hian ram dang mi lakah he an dan siam hi kenkawh an tum lo a, inrawlh ngai an ti lo. Mahse dan chu dan ala ni reng a, inneihna pawn lam si a nupui pasal anga awm dun chu khap ala ni reng tho an ti a ni.
Ronaldo leh Rodriguez hi 2016 ah intawng in fa 2 Bella leh Alana te an nei tawh a, Ronaldo hian fa bik dang pathum Cristiano Jr. leh phir Eva & Mateo te a nei bawk.
