Thawhtanni khan Manchester United forward legend Cristiano Ronaldo car mawi leh manto Bugatti Veyron chuan Spain a Majorca ah chetsualna a tawk.
Bugatti Veyron hi £1.7million man hu vel ani. El Periodico Mediterraneo in a tarlan danin chetsualna thlen lai hian Car chhungah Ronaldo hi a chuang lo a, a hnathawk chhawr laiin a khalh.
Hnathawk chhawr hian speed sang takin lirthei hi a khalh a, a thunun zo lo ni berin a lang. Na takin mi in luhna gate bang a su a, vanneihthlak takin a khalh tu hi hliam na lutuk a neilo, mahse Ronaldo Bugatti Veyron hma lam erawh a chhe nasa viau tih an sawi.
Local Police leh Civil Guard officers te chetsualna thlenna hmun east coast resort of Sa Coma ah hian thleng nghal in chetsualna thlen dan an enfiah. He Bugatti car hi Ronaldo hian Euro 2016 a an champion hnu lawk a a lawmnan a inlei kha niin an sawi a, Ronaldo hi lirthei changkang lawm tak niin Car man to tak tak a hung thluah ani.
Majorca ah hian Ronaldo hi a kawppui Georgina Rodriguez leh a fate nen chawlh an hmang mek a, luxury villa ah an awm. An chawlh hman na ah hian tuna a car chesual ta Bugatti leh Mercedes-Benz G-Class SU te hi hman tura lak ani. He chetsualna thleng ah hian thuchiang tak puanzarna ala awm lo.
