Japanese pa pakhat chuan Covid relief fund chhawmdawlna sem tura ruahman 46.3m yen ($357,400; £287,000) chu a bank account ah tihpalh thil thu a thun a ni a, he pawisa hi lo chen in online gambling ah a hmang ral tih hriat ani.
Heng pawisa te hi mi harsa, hripui leng tuarna tak tak leh sum lakluh lam a chanhai zawk mi 463 te hnen a chhawmdawlna tur atan ruahman a ni a, government support scheme hian southern town of Abu, Japan’s Yamaguchi Prefecture a chhungkaw pakhat zel ah 100,000 yen ($770; £620) a sem turin ruahman ani.
April 8 khan pawisa semchhuah tur 46.3m yen zet a tam hi mi pakhat mimal bank account ah thun a ni tih an hrechhuak. Tualchhung media ten an report danin investigation neih hnu ah bank account neitupa hian nitin 600,000 yen zel chawlhkar 2 chhung a lachhuak thin tih an sawi.
Thuneitu ten an hriatchhuah chuan pawisa a neih tawh loh thu a sawi a, rulh let na tur pawn neih engmah a nei tawh lo. A lawyer chuan a client hi thuneitu te nena inbiak a Yamaguchi police nen pawisa chingpen dan thu hla ah interview a remti a mahse a laka lawsuit file a nih hnu ah a tlanbo zui ani.
ABU, Yamaguchi Prefecture a mayor a awm Norihiko Hanada chuan pawisa te hi inkhelh nan alo hmang ral vek a nih tak zet chuan awlsam taka ngaihdam theih a nilo ang tih a sawi a, he buaina chungchang hi an ram Japan ah pawh a darh nasa hle. Buaina hi engtin nge chinfel a nih dawn ala hriat mai loh.
