Nu dinhmun hi mawhphurhna sang leh hautak zet mai a tling a, ngaih ang ngawt ai hian a khirh bawk ani. Mipa te ai chuan hmeichhia te bawk hian an hrechiang.
Assam Police Constable hmeichhe pakhat Sachita Rani Roy hian a hnathawhna hmun ah a naute thla 7 a upa chu loh theih loh a a hruai thin a ngai a, a nau awrh chung in hna a thawk thin
Sachita Rani Roy hian a chawlh neih hun maternity leave chu a hmang zo tawh a, chawlh dang pek belh tur in ngenna thlen ve bawk mahse pawm sak a nilo thung.
A fa enkawl tur hian midang tumah an awm loh vangin a hna ah hian hnathawh pui in a hruai ziah thin tih an sawi. Nitin zing lam dar 10.30 am ah office thleng in a hnathawh chhung zawng chu a kiangah ah a awm tir ani.
Kum 27 a upa Sachita Rani Roy chuan a sawidan in Silchar’s Malugram area ah an cheng a, a pasal hi Central Reserve Police Force (CRPF) jawan a ni a, hmun dangah a awm daih vangin an fa enkawl sak tur midang hi tumah an awm lo a ti.
“In lamah tumah nau min awm sak tu ka nei silo a, ka fa hi ka hna ah hruai zel a ngai ani. Thil nuam tak nilo mahse duhthlan tur leh kawng dang ka nei bik lo ani” tiin NDTV te a hrilh.
Hetia a hnathawhna ah a fa a hruai hi a thawhpui te pawh in an hrethiam tlang em em a, a hmanloh leh a buai deuh chang ten en thlithlai pui thin in Sachita Rani Roy pawh a thawhpui dang te chungah thinlung taka a lawmzia a sawi bawk.
