Pop Star, Justin Bieber nupui Hailey Bieber chu a skincare company Rhode vangin tunhnai ah buaina a tawk a, a company hming ang chiah hmang tu clothing company, Rhode te chuan an phalna tello a an trademark hmang leh ruksak ang ah puhin an khing.
Hailey team te erawh chuan an line lam a hrang ve ve a ni tiin an sawi a, anni in thuamhnaw lam an khawih laiin Hailey chuan skincare chauh a thlur bik a ni an ti.
He clothing company, Rhode hi kum 8 laia upa a ni tawh a. Hailey Bieber in an company hming ang chiah a hmang hi an lawm lo hle. An mahni dawrtu te ah nghawng thui tak a neih phah thei a ni an ti a, an thawhrimna hliahkhuh sak tum ah Hailey hi an puh.
‘Rhode’ hmang hian Hailey in chet a lak theih loh nan hma la turin an ngen. Zirtawpni khan Manhattan court ah thubuai hi ngaihtuah in federal judge chuan Hailey hi ‘Rhode’ trademark hmang thei turin thiam a chan tir a, clothing company te ngenna thehluh hi a hnawl sak a ni.
Hailey’s Rhode Skin hi June 15 khan launch na neih a ni. Hnehtu zawk a ni tih puan atang reilo ah Hailey hian a documentary “The Making of Rhode” chu YouTube channel ah a phochhuak nghal bawk.
