Cody Simpson chuan hun eng emaw chen alo zui ve tawh Pop Star, Miley Cyrus nena an inthen chhan dik tak chu a puang a, KIIS FM’s The Kyle and Jackie O Show a inlan na ah Cody Simpson hian hemi chungchang hi a sawichhuak ani.
Miley Cyrus nen an inthen chhan chu an kawng zawh leh pan lam a in an loh vangin an inkar chu titawp mai tura an pahnih inremna thlap a thutlukna an siam dun thu a sawi ani.
“Hei hi kan pahnih a kan thutlukna ani. Kan pahnih hian kan kawngzawh a in ang lo a, kei in swimming training neiin Australia ah leta tha taka training ka neih a ngai. A ni lah Album thar buaipui a Tour neih a ngai thung ani” tiin an pahnih ve ve tan a that zawk nan kian zai an inrelsan tih a sawi. Cody Simpson hi 2024 Olympics a tel turin a inbuatsaih mek ani.
Cody Simpson hian Miley Cyrus nen an inthen vang hian an inkarah inremlohna leh inhmuhthiam lohna engmah a awm loh thu a sawi tel nghal a, an inkawp chhunga an hun hman dun chu hriatreng tawh tur leh hun duhawm tak a nih thu a sawitel bawk.
Miley leh Cody Simpson te hi kum 1 dawn laia rei an inngaihzawn hnu ah August 2020 khan an inthen thu puan ani. Miley hian an inthen chungchang ah hian an mimal thil vang a nih thu sawi nghal in drama siam tum phet lo tur leh Cody Simpson nen hian thian an la nih chhunzawm reng dawn a ti ani.
Tunah chuan an inkar pawh in thawm a reh tawh a. Miley Cyrus pawh in chhai thar di tawng leh in kum 23 a upa Liily drummer, Maxx Morando nen thawm dim tak chung si in an inkawp leh mek ani.
