Chin ramkulh saklam Hakha khawpi kiang Chuncung khua kiang ah CNF/A, CDF le ralkap doawknak ah ralkap 4 an thi ih hriamhma ngahtu sn tam zet tiah theih a si.
“Mani ah ralkap motor 30 – 40 karlak Hakha ah an lut, cui motor pawl dungih um ralkap 40 hrawng cu hngak tahratin kan do” tiah CNF/A thusimtu Salai Htet Ni in a sim.
Hakha luttu ralkap pawl cu nunau le nauhak pawl an tel tiah theih a siih, ralkap pawl kaih betnak ah an sungkua pawl an hruai tel khal a si thei tiah CNF/A thusimtu cun a ruah dan simnak a nei.
Falam ihsin Hakha fehtu ralkap pawl cu lamzin tluan khua hrekkhat ih inn le biakinn pawl an urkang hleiah thilri pawl khal an la ih an siatsuah tiah theih a si.
Ref : Mizzima
