Mandalay ihsin Chin ramkulh Kanpetlet khawpi fehtu Shwe Yaw Mann khualtlawng phurtu motor ah ralkap council hriamkai pawlin meithal le cerek pawl an kai tiah theih a si.
Khualtlawng sukso pawl nasazet ih an cekfelnak hmun Mague ramțhen Pauh (ပေါက်) khawpi motor gate cu November 20 ih an cekfelnak ihsin kaihngahmi a si thu tualsung media hnenin theih a si.
Motor parih phurhmi bike engin sungah cerek pawl le motor sungah meithal pawl scope (durbun meithal) pawl an kaingah.
Hi hriamhrei kaihmi cu thuhla an zingzoi vivo ih Saw peng Kyauthtut airport thlanglam Natye (နတ်ရဲ) khua ih Shwe Yaw Mann motor gate hotu nunau pakhat cu November 21 ah ralkap council hriamkai pawlin an kaih thu tualsung media hnenin theih a si.
