Falam peng Țal khua ih hmunkhuartu SAC ralkap motor 9 cu October 17 zaan ah Chin ralkap CNF/A, CDF, CNDF cun bomb thawn an siatsak tiah theih a si.
SAC ralkap motor 60 hrawng cu October 13 zinglam ah Falam khawpi ihsin Hakha khawpi pan in an feh ih Falam khawpi lan zawngah tuini tiang feh suak thei loin Chin ralkap pawlin an kharhkhum.
CNDF thusimtu in “mizaan (October 17) ah Țal khua kiangah ralkap motor 9 kan siatsak, motor hrekkhat cu a ke khal an pekdarh thluh, ralkap thi zat cazin hi kan theifiang hrih lo, tuizing (October 18) ah Falam khawpi ihsin pukpi veihnih an rak kah bawm, helicopter thawmvang khal kan thei” tiah simnak a nei.
October 14 khalah Chin ralkap pawlin SAC ralkap motor 7 cu bomb thawn an rak siatsak zo tiah theih a si.
Ref :Zalen
